Posar og film

Det er ikkje så vanskeleg å få laga sine eigne posar. Mange har visst inntrykk av at det trengst enorme opplag, eller at ein må til utlandet for å få posar til å ha produkta sine i, men her i Gaupne har me ei eineståande posemaskin som kan trykkja akkurat så mange poser me treng.

Nokre opplysningar som kan vera nyttige for deg som vil laga posar: 
Det finst fleire faste storleikar for posar, med tilhøyrande malar du kan lasta ned her (link). Viss ingen av standardstorleikane passar for deg, er det mogleg å laga andre storleikar òg. Det berre kostar litt meir. Me lagar både flate posar, som til dømes suppeposar, og posar som står av seg sjølv.

Sidan alt blir trykt digitalt, kan ein få mange ulike variantar i same opplag.
Alle posane kan vinnast tilbake som plast.
Posane kan ha ziplås, eurohol eller ingen av delane.